یوکرینی باکسر اولیکساندر یوسک نے عالمی ہیوی ویٹ چیمپئن کا تاج سر پر سجا لیا، اہم فائٹ میں برطانیہ کے ٹائسن فیوری کو شکست ہوگئی۔

سعودی عرب کے شہر ریاض کے کنگڈم ایرینا میں یوکرین کے اولیکسنڈر یوسک نے برطانیہ کے ٹائسن فیوری کو شکست دے کر دنیا کا غیر متنازعہ ہیوی ویٹ چیمپئن بننے کا اعزاز اپنے نام کرلیا۔

فائٹ میں یوکرینی باکسر نے غیرمعمولی پُرفارمنس پیش کرتے ہوئے سنسنی خیز مقابلے میں حریف کو مات دی۔

رونالڈو اور انتھونی جوشوا سمیت دنیا کے کئی ستاروں نے فائٹ دیکھی۔

یاد رہے کہ یوکرینی باکسر 1999 میں لینوکس لیوس کے بعد سے دنیا کا غیر متنازعہ ہیوی ویٹ چیمپیئن کہلانے والے پہلے شخص بن گئے ہیں۔