آزاد کشمیر میں مبینہ طور پر رینجرز کی فائرنگ سے جاں بحق افراد کی نماز جنازہ سے قبل سوگواروں نے آزاد کشمیر اسمبلی میں پاکستان تحریک انصاف (پی ٹی آئی) کے اپوزیشن لیڈر خواجہ فاروق احمد کو جنازہ گاہ سے جانے پر مجبور کردیا۔

سماجی روابط کی ویب سائٹ ’ایکس‘ پر وائرل ایک ویڈیو میں دیکھا جا سکتا ہے کہ خواجہ فاروق احمد کو گرد لوگ جمع ہیں جو ان کی موجودگی پر اپنی ناراضگی کا اظہار کررہے ہیں۔

اس حوالے سے مقامی صحافی نے ویڈیو شیئر کرتے ہوئے لکھا کہ مظفر آباد سے منتخب اپوزیشن لیڈر خواجہ احمد فاروق کو مقتولین کے سوگواروں کے جانب سے شدید غم و غصے کا سامنا ہے اور انہیں جنازہ گاہ سے واپس جانے پر مجبور کردیا گیا۔