آئی ایم ایف مشن نے ٹریک اینڈ ٹریس سسٹم کے نفاذ میں خرابیوں پر تشویش کا اظہار کردیا جس کے بعد مشن نے ٹریک اینڈ ٹریس سسٹم کے نفاذ پر عملدرآمد رپورٹ طلب کی ہے۔

تفصیلات کے مطابق ٹیکس اسٹرکچر، ٹیکس ایڈمنسٹریشن پر ایف بی آر اور آئی ایم ایف مشن کے درمیان مذاکرات ہوئے ہیں۔ ذرائع ایف بی آر کے مطابق وزیراعظم آفس کودی گئی رپورٹ آئی ایم ایف مشن کوپیش کی گئی، ٹریک اینڈ ٹریس سسٹم کا دائرہ 5 شعبوں میں مکمل عائد کرنے کی ڈیڈ لائن بھی ہے۔

ذرائع کے مطابق آئی ایم ایف مشن نے آئندہ مالی سال ٹریک اینڈ ٹریس مکمل انسٹال کرنےکی تجویز دی ہے، ٹیکس نیٹ بڑھانے اورٹیکس چوری روکنے کیلئے اصلاحات کے عمل کوتیزکرنے پراتفاق کیا گیا۔

ذرائع کے مطابق آئی ایم ایف مشن اورایف بی آرحکام کے درمیان مذاکرات مزید جاری ہیں، جبکہ ریونیو شارٹ فال پُرکرنے کیلئے آئی ایم ایف مشن کوآج پلان فراہم کیا جائے گا۔