سانحہ بارہ مئی کو 17 برس بیت گئے، عدلیہ بحالی تحریک کے دوران پچاس شہریوں کو موت کے گھاٹ اتار دیا گیا تھا، جن کے لواحقین آج بھی انصاف کے منتظر ہیں۔

12 مئی 2007 کراچی کی تاریخ کا وہ بدترین دن ہے جسے بھولنا بھی چاہیں تو بھلایا نہیں جاسکتا۔

اس وقت کے چیف جسٹس آف پاکستان افتخار محمد چوہدری ، کراچی بار سے خطاب کے لیے شہر قائد پہنچے تھے لیکن انہیں ایئرپورٹ پر ہی روک دیا گیا تھا۔

شہر کی بڑی بڑی شاہراہوں پر کنٹینر لگا کر رکاوٹیں کھڑی کردی گئی تھیں۔

چیف جسٹس کے طیارہ نے کراچی ائرپورٹ پر لینڈ کیا تو شہر میں افراتفری مچ گئی تھی۔ سانحے میں پچاس سے زائد افراد شہید ہوئے تھے۔

بارہ مئی سے متعلق کئی کمیشن بنے۔ سماعتیں بھی ہوئیں، نوٹسز بھی لیے گئے لیکن ذمہ داروں کو اب تک کوئی سزا نہیں ملی۔