بشرٰی بی بی کو اڈیالہ جیل منتقل کرنے سے متعلق کیس کا تحریری فیصلہ جاری کردیا گیا۔ 15 صفحات کا فیصلہ جسٹس حسن اورنگ زیب نے جاری کیا۔

اسلام آباد ہائی کورٹ کے تحت جاری کردہ فیصلے میں بتایا گیا ہے کہ بُشرٰی بی بی چاہتی ہیں کہ اُنہیں جیل میں رکھا جائے تاکہ اُن کی تنہائی دور ہو۔

تحریری فیصلے میں درج ہے کہ قیدِ تنہائی میں رکھنا صرف سزا نہیں بلکہ ایذا رسانی ہے۔ بشرٰی بی بی کو قیدِ تنہائی میں رکھ کر ان کی سزا کو مزید سخت بنایا گیا۔

تحریری فیصلے کے مطابق رہائش گاہ کو سب جیل قرار دے کر پراپرٹی کا ورچوئل قبضہ حاصل کرلیا گیا۔

پراپرٹی کے مالک کی اجازت کے بغیر رہائش گاہ کو سب جیل قرار دے کر بنیادی حقوق سے محروم کیا گیا۔ واضح رہے کہ عدالتی حکم پر بشرٰی بی بی کو اڈیالہ جیل منتقل کردیا گیا تھا۔