شارجہ میں بند گاڑی کے اندر بھول جانے سے 7 سالہ بچہ جان کی بازی ہار گیا۔

یہ واقعہ اس وقت پیش آیا جب خاتون ڈرائیوربچے کو پورے دن اسکول کے باہر کھڑی گاڑی کے اندر چھوڑ کر چلی گئی۔ شارجہ پولیس کے مطابق بچے کے والدین نے ایک بغیر لائسنس والی خاتون ڈرئیوار رکھی ہوئی تھی۔

شارجہ پولیس کے مطابق ایشیائی شہریت کے حامل بچہ گاڑی میں رہ گیا جبکہ دیگر بچے اتر کر اسکول میں داخل ہوگئے جس کے بعد خاتون ڈرائیور گاڑی بند کرکے اپنے شوہر کے ہمراہ چلی گئی۔

شارجہ پولیس کے مطابق جب اسکول کی چھٹی ہوئی اور طلبہ گھر واپس جانے کے لیے گاڑی کے اندر پہنچے تو بچے کی بے جان لاش ملی۔