لاہور کےعلاقے ملت پارک میں کم عمر ملازمہ سے زیادتی کا واقعہ سامنے آیا ہے۔ ملزم کئی روزتک بچی کوجنسی تشدد کا نشانہ بناتا رہا۔

پولیس نے کارروائی کرتے ہوئے ملزم کو گرفتار کرلیا۔ زیادتی کا شکار ہونے والی بچی کو سروسز اسپتال میں داخل کردیا گیا ہے۔ فی الحال ڈاکٹرز کی جانب سے کچھ نہیں بتایا گیا ہے۔

10 سالہ ملازمہ سلمان کے گھر میں کام کرتی تھی۔ پولیس نے بتایا کہ ملزم نے بچی کو کئی بار جنسی تشدد کا نشانہ بنایا۔

پولیس نے بتایا ہے کہ بچی کے والدین کی درخواست پر سلمان کے خلاف مقدمہ درج کرکے اسے گرفتار کرلیا گیا۔