صفائی کی مصنوعات میں سے ایک پروڈکٹ ایسی ہے،جو ورسٹائلٹی اور قیمت کے اعتبار سے دوسروں کو شکست دیتی ہے ، اور آپ اپنے زیادہ تر دوسرے اسپرے کو باہر نکال سکتی ہیں اور پھر بھی اپنے گھر کو صاف کرسکتی ہیں۔

یہ اسٹینڈ آؤٹ پروڈکٹ سب سے آسان اور سستے آئٹمز میں سے ایک ہے۔ اور وہ ہے، ”لیکویڈ ڈش واشنگ“۔

ڈش واشنگ کو صابن اور ڈٹرجنٹ کے طور پر بھی جانا جاتا ہے، آپ اپنے برتن دھونے کے علاوہ اسے اور بھی بہت سے کام میں لا سکتی ہیں۔

چونکہ زیادہ تر ڈش واشنگ لیکویڈ کی شکل میں ہوتے ہیں ، لہذا آپ کو صفائی کے لئے بہت کم مقدار کی ضرورت ہوتی ہے۔

آپ اسے ایک طاقتور ڈی آئی وائی کلینر کے لئے سرکہ کے ساتھ بھی ملا سکتی ہیں، جسے اسپرے بوتل یا دوبارہ بھرنے کے قابل ڈش میں شامل کیا جاسکتا ہے۔

تو آپ اس پاور ہاؤس صفائی کی مصنوعات کے ساتھ کیا صاف کرسکتے ہیں؟ ہم بتاتے ہیں۔

فرش

زیادہ ترفرش کلینرز فرش کی صفائی کے لئے سادہ پانی سے بہتر نہیں ہوتے۔

اس کے بجائے اپنی بالٹی میں تھوڑا سا لیکویڈ ڈش واشنگ ڈالیں اور ایک مؤثر کلینر کے لئے گرم پانی سے بھریں ،جو آپ کے فرش کو چمکدار بنا دے گا۔

شاور سکرین

صابن اور سخت پانی کے دھبے شاور گلاس کو دھندلا بنا دیتے ہیں۔

آپ اسے تھوڑے سے ڈش صابن کے ساتھ ٹھیک کرسکتی ہیں۔ ایک چھری کو گیلا کریں اور پھر ہر طرف اسکرب کریں۔ صابن والے پانی کو دھو لیں۔

کھڑکیاں اور شیشے

کھڑکیوں اور آئینوں دونوں کے لئے کھڑکیوں کی صفائی کا اسپرے چھوڑ دیں اور صاف کرنے کے لئے کپڑے اور صابن کے پانی کا استعمال کریں۔

لباس کے دھبے

ڈش صابن میں عام طور پر ڈیگریزر ہوتا ہے۔ اس کا مطلب ہے کہ یہ تیل کے دھبے جیسی چیزوں کے لئے کام آتا ہے۔

اس پر ڈٹرجنٹ کا ایک یا دو قطرہ لگا کر داغ کو دور کریں اور اسے اپنی انگلیوں سے رگڑیں۔ معمول کے مطابق دھونے سے پہلے اسے پانچ سے دس منٹ کے لئے چھوڑ دیں۔

ڈرائیو وے کے دھبے

ڈش واشنگ مائع میں موجود ڈیگریزر گیراج یا ڈرائیو وے میں تیل کے دھبوں پر بھی کام کریں گے۔ داغ پر کچھ قطرے ڈالیں، صاف کریں اور پھر دھو لیں۔

باورچی خانہ کی سینک

روزانہ صاف کرنے کے لئے ، صرف صابن کے پانی کا استعمال بھی ٹھیک ہے ، یا اگر آپ چاہیں تو اینٹی بیکٹیریل اسپرےبھی مناسب ہے۔

لیکن اطمینان بخش چمک کے لئے ، سینک پر تھوڑا سا ڈش واشنگ لیکویڈ ڈالیں اور اوپر کھانے کا سوڈا چھڑک دیں۔

اس کے بعد پانی سے دھولیں

باورچی خانے کی الماریاں

باورچی خانے کی الماریوں کو اچھی طرح صاف کرنے کے لئے گرم صابن کے پانی کی ضرورت ہوتی ہے۔

آپ اپنے کپڑے کو ڈبونے کے لئے صابن کے پانی کا ایک پیالہ بنا سکتے ہیں یا فوری صفائی کے لئے صرف ڈش صابن کا ایک قطرہ شامل کریں اور اپنے کپڑے کو گیلا کریں ، پھر صفائی کریں۔

پتھر کے بینچ

بہت ساری چیزیں ہیں ،جو آپ کو اپنے پتھر کے بینچوں کو صاف کرنے کے لئے استعمال نہیں کرنا چاہئے، جن میں بلیچ ، سرکہ اور بائی کارب سوڈا شامل ہیں۔

اگرچہ آپ اسے جس چیز سے صاف کرسکتی ہیں، وہ ڈش واشنگ مائع ہے۔

اس سطح کو باقاعدگی سے صاف کرنے کا ایک آسان طریقہ ڈٹرجنٹ اور پانی کے ساتھ اپنا سپرے بنانا ہے۔ بینچ کو ایک یا دو اسپرٹ دیں اور صاف کریں۔

اپنے بینچ کو پونچھنے کے بعد ، جھک کر چیک کریں کہ سطح صاف ہے۔ اس پوزیشن سے آپ ان تمام حصوں کو دیکھ سکیں گی جو آپ بھول گئی ہوں گی۔

بدبودار نالیاں

باورچی خانے کے سینک دھونے کے بعد ان کے نیچے جانے والی ہر چیز بہت بدبو دار ہوسکتی ہے۔ لہذا اپنے سینک کے سوراخ کے نیچے تھوڑا سا ڈش واشنگ لیکویڈ ڈالیں اور گرم پانی سے رگڑیں۔ کچھ لوگ ابلتے ہوئے پانی کا استعمال کرتے ہیں ، لیکن اگر آپ کے پائپ پیویسی سے بنائے گئے ہیں تو ابلتے6 ہوئےپانی سے گریز کرنا چاہیے۔

زیورات

زیادہ تر زیورات کے لئے ، آپ گرم پانی میں ڈش واشنگ مائع کے چند قطرے استعمال کرسکتی ہیں۔ انہیں تقریبا پانچ منٹ تک بھگو دیں اور پھر دھو لیں۔

اگر ضرورت ہو تو بہت نرم ٹوتھ برش آزمائیں اور ہلکا سا اسکرب دیں۔ اور نرم کپڑے کا استعمال کرکے خشک کرلیں۔