سپریم کورٹ کی جانب سے مخصوص نشستوں سے متعلق پشاور ہائیکورٹ کا فیصلہ معطل کرنے کے بعد خیبرپختونخوا حکومت نے صوبائی اسمبلی کا اجلاس بلانے کا فیصلہ کرلیا ہے۔

ذرائع کے مطابق سپریم کورٹ فیصلے کے بعد اجلاس طلبی کا فیصلہ کیا گیا جو ممکنہ طور پر 10 مئی کو بلایا جائے گا۔

اس حوالے سے پی ٹی آئی ذرائع کا کہنا ہے کہ سپریم کورٹ فیصلے کے بعد ممبران سے حلف لینے کے پابند نہیں ہیں، سپریم کورٹ فیصلے کے بعد ممبران سے حلف لینے کا حکم غیر مؤثر ہوچکا ہے۔

پشاورہائیکورٹ نے مخصوص نشستیں کی دیگر جماعتوں میں تقسیم کا فیصلہ درست قرار دیا تھا۔پیر کو سپریم کورٹ نے سنی اتحاد کونسل کی جانب سے مخصوص نشستیں دوسری جماعتوں کو دینے سے متعلق کیس میں پشاور ہائیکورٹ اور الیکشن کمیشن کا فیصلہ معطل کردیا تھا۔