پاکستان میں انسداد پولیو پروگرام کے نیشنل کوآرڈینیٹر ڈاکٹر شہزاد بیگ کا نام صحت کے شعبے میں ٹائم میگزین کی 2024 کی سو با اثر شخصیات میں شامل کرلیا گیا۔

ڈاکٹر شہزاد بیگ کے عہدہ سنبھالنے کے بعد پولیو کے کیسز میں نمایاں کمی ریکارڈ کی گئی، 2023 میں صرف 6 بچے پولیو سے متاثر ہوئے۔

واضح رہے کہ 2026 تک پولیو کیسز کی تعداد کو صفر پر لانا پاکستان کا ہدف ہے۔

عالمی سطح پر نامزدگی ڈاکٹر شہزاد کی قیادت اور پولیو کے خاتمے کے لیے کوششوں کا اعتراف ہے۔

پاکستانی ڈاکٹر کا نام عالمی فہرست میں شامل ہوناعالمی سطح پر ملک کیلئے اہم اعزاز ہے۔

ڈاکٹر شہزاد بیگ واحد پاکستانی ہیں جن کا نام صحت کے شعبے میں ٹائم میگزین کی 2024 کی 100 با اثر شخصیات میں شامل کیا گیا۔