نتاشا لاکھانی کا شمار پاکستان کی ٹاپ میک اپ آرٹسٹس میں ہوتا ہے۔ انہوں نے کئی مشہور شخصیات کے ساتھ کام کیا ہے ۔

ان کا میک اپ کسی اعزاز سے کم نہیں ہے۔ جس کا دلہنیں انتظار کرتی ہیں جب وہ اپنی زندگی کے اہم دن کے لئے تیار ہو رہی ہوتی ہیں۔

نتاشا لاکھانی کا تعلق انتہائی باصلاحیت گھرانے سے ہے، کیونکہ وہ میڈم نور جہاں کی پوتی ہیں۔ جبکہ ان کے کزنز نے بھی شوبز میں اپنا نام بنایا ہے۔

وہ دو خوبصورت بچوں کی ماں بھی ہے اور وہ ہمیشہ ہر چیز کو اچھی طرح سے جوڑتی ہے۔

نتاشا سوشل میڈیا پر بھی کافی سرگرم رہتی ہیں اور وہ ہر وقت اپنے مداحوں سے بات چیت کرتی رہتی ہیں۔

ان سے ہمیشہ پوچھا جاتا ہے کہ دو چھوٹے بچوں کے ساتھ سب کچھ اتنی اچھی طرح سے کیسے سنبھالتی ہیں اور نتاشا نے اس سوال کا جواب دیا اور کچھ غلط فہمیوں کو توڑ دیا۔

اس موقع پر نتاشا جذباتی ہو گئیں اور روتے ہوئے اپنی ایک ویڈیو شیئر کرتے ہوئے وضاحت کی کہ سوشل میڈیا ایک دھوکہ ہے۔ انہوں نے کہا کہ ان کے پاس ہر طرح کی سپورٹ اور مدد ہے اور اب بھی وہ اپنے کاروبار کا انتظام کرتی ہیں، اپنے بچوں کی دیکھ بھال کرتی ہیں اور اپنے شوہر اور اپنے خاندان کے لئے بھی وقت نکالتی ہیں۔

ماں بننا اور زندگی ہر ایک کے لئے مشکل ہے اور انہوں نے لوگوں سے کہا کہ وہ کبھی بھی سوشل میڈیا کے فریب میں نہ آئیں۔