کِیا کے بعد پاک سوزوکی نے بھی اپنی گاڑیاں لاکھوں روپے سستی کرنے کا اعلان کردیا ہے۔

پاک سوزوکی کی جانب سے گاڑیوں قیمتوں میں 7 لاکھ روپے تک کی بڑی کمی کی گئی ہے۔

پاک سوزوکی کی جانب سے جاری نوٹی فکیشن میں کہا گیا کہ مارکیٹ کے موجودہ حالات کو مدنظر رکھتے ہوئے ہمیں سوزوکی سوئفٹ ڈبلیو ای ایف کی پروموشنل ریٹیل سیلز قیمتوں کا اعلان کرتے ہوئے خوشی ہو رہی ہے۔

نوٹی فکیشن کے مطابق یکم مئی 2024 سے سوزوکی کے سوئفٹ ماڈل جی ایل ایم ٹی کی قیمت 85 ہزار روپے کم ہوگئی ہے، جس کے بعد اس کی قیمت سابقہ 44 لاکھ 21 سے کم ہوکر 43 لاکھ 36 ہزار پر آگئی ہے۔

اسی طرح سوزوکی سوئفٹ جی ایل سی وی ٹی کی قیمت میں 1 لاکھ 59 ہزار روپے کمی ہوئی ہے، اور اب اس کی نئی قیمت 47 لاکھ 19 ہزار سے کم ہوکر 45 لاکھ 60 ہزار ہوگئی ہے۔

سوزوکی سوئفٹ جی ایل ایکس سی وی سی ٹی قیمت میں 7 لاکھ 10 ہزار روپے کی بڑی کمی ہوئی ہے، اور اب اس کی قیمت 54 لاکھ 29 ہزار سے کم ہوکر 47 لاکھ 19 ہزار ہوگئی ہے۔

پاک سوزوکی نے گاڑیوں کی نئی قیمت کا اعلان کرتے ہوئے کہا کہ نظر ثانی شدہ قیمتیں فیڈرل ایکسائز ڈیوٹی، سیلز ٹیکس اور ایڈوانس انکم ٹیکس کے علاوہ ہیں اور بغیر کسی اطلاع کے قیمتوں میں ردوبدل بھی کیا جاسکتا ہے۔

علاوہ ازیں گاڑیوں کی ڈیلیوری پر سرکاری ٹیکس اور لیویز ڈیوٹی خریدار ادا کریں گے۔