لاہورمیں شادی کی تقریب میں جاتے ہوئے ہوائی فائرنگ کی ویڈیو وائرل ہونے کے بعد ملزمان کو گرفتار کرلیا گیا۔

تفصیلات کے مطابق لاہور کے علاقے رسندر میں نوجوانوں نے شادی کی تقریب میں جاتے ہوئےسرعام فائرنگ کی اور ویڈیو سوشل میڈیا پر شیئر کی۔

فوٹیج میں دیکھا جاسکتا ہے کہ نوجوان گاڑی سے سرعام فائرنگ کررہے ہیں۔ بعدازاں پولیس نے 2 ملزمان کو گرفتار کرلیا جن کی شناخت عاشراور مجاہد کے نام سے ہوئی۔

سندر پولیس نےملزمان کے قبضہ سے ناجائز اسلحہ برآمد کرکے مقدمہ درج کرلیا۔