کسان اتحاد کے مرکزی چیئرمین خالد حسین باٹھ نے پنجاب بھر میں احتجاج کی کال دے دی ہے۔

خالد حسین باٹھ نے اپنے پیغام میں کہا کہ پنجاب حکومت سے کوئی مذاکرات نہیں ہوئے، ہمیں سیکرٹری سے مذاکرات کیلئے ملاقات کا کہا گیا ہے مگر ہم سیکرٹری سے ملاقات نہیں کریں گے۔

خالد حسین باٹھ نے کہا کہ کسان اتحاد اب پنجاب بھر میں اجتجاج کی کال دے رہا ہے، ہم پنجاب کے ہر ضلع اور تحصیل کی سطح پر احتجاج کریں گے۔

بکری فارمنگ کی جعلی کمپنیاں، رقم دگنی ہونے کا لالچ، شہری کروڑوں روپے سے محروم

انہوں نے کہا کسان اپنی گندم کی فصل، ٹریکٹر اور اپنے بچوں سمیت سڑکوں پر نکلیں گے، پنجاب کی ہر اہم شاہراہ پر اجتجاج ہوگا اور کسان وہاں بیٹھیں گے۔

خالد حسین باٹھ کا کہنا تھا کہ مریم نواز کسانوں کو بھیک نہ دیں ہمیں ہمارا حق ہمیں دیں۔

انہوں نے مزید اعلان کیا کہ مطالبات تسلیم نہ ہونے کی صورت میں احتجاج کا دائرہ کار وسیع کریں گے۔

جیکب آباد: مغویوں کی رہائی کیلئے دھرنا دینے والوں کے خلاف دہشتگردی ایکٹ کے تحت مقدمہ درج

چئریمین کسان اتحاد نے اپنے پیغام میں کہا کہ پاکستان بھر کے کسانوں کو اجتجاج کیلئے مجبور کیا جا رہا ہے، کسان سڑکوں پر نکل آیا تو کوئی کنڑول نہیں کر سکے گا۔

ان کا کہنا تھا کہ کسانوں پر جی پی او چوک پر تشدد بڑا افسوس ناک عمل تھا، کسانوں میں شدید ردعمل دینے کا جذبہ ہے مگر ہم کسان پُرامن ہیں اور رہیں گے۔

خالد حسین باٹھ نے کہا کہ ہر محکمہ میں کام کرنے والا شخص کسان کا بیٹا ہے، ہم پر تشدد کرتے ہیں تو کرلیں۔