شمالی وزیرستان کی تحصیل میرعلی میں گورنمنٹ ہائیر سیکنڈری اسکول عیدک پر نامعلوم ملزمان نے دھاوا بول دیا، اور 23 امتحانی مراکز کے حل شدہ پیپرز کو آگ لگا دی۔

نامعلوم ملزمان نے چوکیدار کو اسلحہ کی نوک پر یرغمال بنایا، اور اسکول میں داخل ہوئے۔

ملزمان 23 امتحانی مراکز کے حل شدہ پیپرز کو آگ لگا کر فرار ہوگئے۔

چوکیدار کے مطابق حملہ آوروں کی تعداد ایک درجن سے زائد تھی۔

واضح رہے کہ صوبے میں بنوں بورڈ کے زیر اہتمام جماعت نہم اور دہم کے امتحانات جارہی ہیں۔

بنوں بورڈ کی جانب سے ابھی تک واقعے کے حوالے سے بیان جاری نہیں کیا گیا۔