چین میں سولر پینل تیار کرنے والی ایک بڑی کمپنی میں آگ لگنے سے پیداوار بڑے پیمانے پر متاثر ہوئی ہے۔ چین کے صوبے شینگژی میں قائم جِنکو کمپنی کے پلانٹ میں لگنے والی آگ سے بڑے پیمانے پر نقصان ہوا ہے۔

کمپنی نے ایک بیان میں بتایا کہ آگے سے ہونے والا نقصان اتنا ہے کہ سالِ رواں کے دوران پیداوار متاثر ہوگی۔

”جنکو سولر“ نے ایک بیان میں کہا کہ جمعہ کو اس کی سلیکون ویفر سلائسنگ اور سولر سیل مینوفیکچرنگ ورکشاپس میں آگ لگی جس سے پیداوار بھی متاثر ہوگی اور مالیاتی پوزیشن پر بھی منفی اثرات مرتب ہوں گے۔

جنکو سولر نے بتایا ہے کہ ویفر اور سیل پروڈکشن دیگر ورکشاپس میں منتقل کی جارہی ہے۔ ادارہ کوشش کر رہا ہے کہ پیداواری عمل زیادہ متاثر نہ ہو۔ کسی کے ہلاک یا زخمی ہونے کی اطلاع نہیں ملی۔ آگ لگنے کا سبب بھی معلوم نہیں ہوسکا۔

جنکو سولر کا صدر دفتر سنگھائی میں ہے۔ یہ کمپنی شمسی توانائی سے متعلق تمام پروڈکٹس تیار کرتی ہے۔ ان پروڈکٹس کی برآمدات درجنوں ممالک کے لیے ہیں۔ پیداوار کے متاثر ہونے سے قیمت میں اضافہ ہوسکتا ہے۔

یہ بھی پڑھیں :

سولر پینلز کے ڈھیر لگ گئے، خریدار نہ ہونے سے قیمتیں آدھی

چار اقسام کے دستیاب سولر پینلز میں سے سب سے اچھا کون سا