وزیراعظم شہباز شریف چار مئی کو گیمبیا میں او آئی سی کے زیر اہتمام ہونے والی اسلامی سربراہی کانفرنس کے 15ویں اجلاس میں شرکت کیلئے گیمبیا جائیں گے۔

او آئی سی سمٹ چار اور پانچ مئی کو شیڈول ہے، جس میں غزہ کی صورتِ حال سمیت اہم بین الاقوامی امور پر تبادلہ خیال ہوگا۔

وزیراعظم شہباز شریف 3 مئی کو افریقی ملک گیمبیا روانہ ہوں گے، ان کے ہمراہ وزیر خارجہ اسحاق ڈار اور وزیر اطلاعات عطا تارڑ بھی گیمبیا جائیں گے۔

کورونا وبا کے دوران دنیا بھر میں غیر مساوی رویہ دیکھا گیا، وزیر اعظم

دفتر خارجہ کی ترجمان ممتاز زہرہ بلوچ کے مطابق ’اسلامی سربراہی کانفرنس کے اجلاس میں وزیراعظم غزہ میں نسل کشی، مسئلہ کشمیر، اسلاموفوبیا، دہشت گردی اور دیگر عالمی چلینجز پر بات کریں گے۔‘ ممتاز زہرہ بلوچ نے بتایا کہ وزیراعظم شہباز شریف اسلامی ممالک کے سربراہوں سے بھی ملاقات کریں گے۔

انہوں نے کہا کہ دو اور تین مئی کو او آئی سی کے وزرائے خارجہ کا اجلاس بھی ہو گا جس میں وزیر خارجہ اسحاق ڈار شرکت کریں گے۔