بھارت کی ریاست پنجاب کے شہر بٹھنڈہ میں نامعلوم افراد نے ہائی سیکیورٹی زون کی دیواروں پر خالصتان کے نعرے لکھ دیے۔ خالصتان کے نعرے منی سیکریٹریٹ کی دیواروں پر لکھے گئے۔ یہ مقام ایڈیشنل ڈائریکٹر جنرل آف پولیس کی سرکاری رہائش سے محض 50 گز دور ہے۔

ہائی سیکیورٹی زون میں واقع منی سیکریٹریٹ کمپلیکس سے ایس ایس پی آفس بھی زیادہ دور نہیں۔ پولیس نے سی سی ٹی وی کیمروں کی مدد سے ملزم کی تلاش شروع کردی ہے۔ اس حوالے سے تحقیقات بھی کی جارہی ہے۔

ابھی تک کسی بھی گروپ یا تنظیم نے بٹھنڈہ کے منی سیکریٹریٹ کی دیواروں پر خالصتان کے نعرے لکھنے کی ذمہ داری قبول نہیں کی۔

ایک سال کے دوران ہریانہ، پنجاب، راجستھان، ہماچل پردیش اور دہلی کی دیواروں پر خالصتان کے نعرے کئی بار لکھے گئے ہیں۔ گزشتہ برس دہلی کے پانچ میٹرو اسٹیشنز کی دیواروں پر بھی خالصتان کے نعرے لکھے گئے تھے۔

دہلی بنے گا خالصتان اور خالصتان ریفرینڈم زندہ باد جیسے نعرے پنجابی باغ، شیوا جی پارک، مادی پور، پچھم وہار، اُدھیوگ نگر، مہاراجا سُورج مل اسٹیڈیم اور ننگلوئی کے میٹرو اسٹیشنز پر یہ نعرے لکھے گئے تھے۔

دہلی پولیس نے سِکھز فار جسٹس نامی تنظیم کے 2 ارکان کو پنجاب سے گرفتار کیا تھا۔ پولیس حکام نے بتایا تھا کہ یہ نعرے کینیڈا میں قتل ہونے والے سکھ لیڈر اور خالصتان تحریک سے ہمدردی رکھنے والے گروپتونت سنگھ پنوں کی حمایت میں لکھے گئے تھے۔