”دی گریٹ انڈین کپل شو“ ناظرین کی تعداد میں کمی سے کپل شرما کی نیٹ فلکس کی واپسی عالمی درجہ بندی میں نیچے چلی گئی۔

”دی گریٹ انڈین کپل شو“ نے نیٹ فلکس پر اب تک چار اقساط نشر کی ہیں ، لیکن ناظرین کی تعداد توقع کے مطابق نہیں بڑھ رہی ہے۔

نیٹ فلکس کے اپنے اعداد و شمار کے مطابق ، دی گریٹ انڈین کپل شو کی چار اقساط آن ایئر جانے اور ایک ماہ بعد ناظرین کی تعداد میں کمی دیکھی جارہی ہے۔

”دی گریٹ انڈین کپل شو“ ہندوستان میں اسٹریمر کے لئے نئے ناظرین کو راغب کرنے کی کوشش کے طور پر ڈیزائن کیا گیا ہے۔ اس شو کو کئی مہینوں تک پروموٹ کیا گیا تھا، جس میں میزبان کپل شرما اور ان کے ساتھی سنیل گروور کے ایک ساتھ دکھائی دینے کا طویل عرصے سے انتظار تھا۔

لیکن ایک گرینڈ لانچ اور مہمانوں کی فہرست کے بعد، جس میں اب تک رنبیر کپور، وکی کوشل، دلجیت دوسانجھ اور روہیت شرما جیسے اداکار شامل ہیں، ناظرین کی تعداد میں اضافہ ہوتا دکھائی نہیں دے رہا ہے۔

نیٹ فلکس کی گلوبل ٹاپ 10 لسٹ کے مطابق رنبیر کپور، ان کی والدہ نیتو کپور اور بہن ردھیما کپور ساہنی پر مشتمل پہلی قسط کو 2.4 ملین ناظرین نے دیکھا۔ یہ شو پہلے ہفتے تیسرے نمبر پر رہا، جس نے مجموعی طور پر 2.5 ملین ویوز حاصل کیے۔

تاہم ویورز کی تعداد کم ہونے کے ساتھ دوسرے ہفتے میں یہ شو پانچویں نمبر پر آگیا۔