کوہلو میں 28 لیویز افسران و اہلکار ملازمت سے برطرف کردیے گئے۔ ڈپٹی کمشنر نے ملازمین کی برطرفی کا نوٹیفکیشن جاری کردیا۔

نوٹیفکیشن کے مطابق ری پولنگ کے دوران مختلف پولنگ اسٹیشن و دیگر مقامات پر تعیناتیوں پر غیر حاضری کی بناء پر 28 افسران و اہلکار ملازمت سے برطرف کر دیئے گئے۔

برطرف کئے جانے والوں میں ایک نائب رسالدار ، 5 دفعدار اور 22 سپاہی شامل ہیں۔

ڈپٹی کمشنر کوہلو نقیب اللہ کاکڑ کا کہنا ہے کہ غیر حاضر ملازمین کے خلاف سخت محکمانہ کارروائیاں شروع کر دی گئی ہے۔

انھوں نے کہا کہ عوام کے جان و مال کے تحفظ میں غفلت برداشت کرنے والے کسی رعایت کے مستحق نہیں ہیں۔