ادا کار عاصم محمود شادی میں جہیز اور دیگر غیرضروری اخراجات کے خلاف اٹھ کھڑے ہو ئے۔

پاکستانی ڈرامہ انڈسٹری کے ابھرتے ہوئے ادا کار نےسماجی رابطے کی سائٹ انسٹا گرام پر اپنی پوسٹوں میں معاشرے میں پھیلی غلط رسومات کی مذمت اور ان کے خاتمے کے لیے واضح کیا کہ ہمارے معاشرے میں ایک بیٹی کی شادی پر کتنی لاگت آجاتی ہے۔

اداکار کا کہنا تھا کہ لڑکی والوں کی جانب سے کم از کم تیس لاکھ کا جہیز، پانچ لاکھ کا کھانا، دولہے کو قیمتی تحائف، یہی نہیں ولیمے کے دن کا ناشتہ اور بیٹی کے سسرالیوں تک کو کپڑے بھیجے جاتے ہیں۔

اداکار نے بتایا کہ یہی نہیں براتیوں کی واپسی پر انہیں کھانا بھی پیک کر کے دیا جاتا ہے۔

اداکار نے آخر میں کمنٹ دیا، ”لڑکی ہے یا کوئی سزا ہے۔“