پی ڈی ایم اے پنجاب نے آج سے 29 اپریل تک گرج چمک کے ساتھ بارش اور آندھی کا امکان ظاہر کر دیا۔ شہریوں کو گھروں میں رہنے اور غیر ضروری سفر سے اجتناب کرنے کی ہدایت کی گئی ہے۔

ڈی جی پی ڈی ایم اے نے صوبہ بھر کے ڈپٹی کمشنرز کو الرٹ رہنے کی ہدایت کر دی۔

ہنگامی صورتحال سے نمٹنے کے لیے متعلقہ تمام محکموں کو الرٹ کر دیا گیا۔

ڈی جی پی ڈی ایم اے کہتے ہیں 23 تا 29 اپریل تک پنجاب میں آندھی اور گرج چمک کے ساتھ بارش کے ساتھ چند مقامات پر ژالہ باری کے بھی امکانات ہیں۔

انھوں نے کہا کہ پی ڈی ایم اے کنٹرول روم میں صورتحال کی مانیٹرنگ جاری ہے۔ 1122سمیت دیگر ریسکیو ادارے مشینری سمیت عملے کو الرٹ رکھیں۔

پی ڈی ایم اے نے شہریوں کو احتیاط کرنے اور بجلی کے کھمبوں اور لٹکتی تاروں سے دور رہنے کی ہدایت کر دی۔