کراچی بار ایسوسی ایشن نے اداکار فیصل قریشی اور نجی ٹی وی چینل سے معافی مانگنے کا مطالبہ کیا ہے۔

اس حوالے سے کراچی بار کا کہنا ہے کہ نجی ٹی وی چینل کے ڈرامے میں وکلاء برادری سے متعلق نا مناسب الفاظ استعمال کیے گئے۔

بیان میں مزید کہا گیا کہ وکلاء برادری کے خلاف نامناسب الفاظ کے استعمال سے وکلاء کی ساکھ متاثر ہوئی ہے۔

کراچی بار ایسوسی ایشن کا کہنا ہے کہ اگر اداکار فیصل قریشی اور چینل انتظامیہ نے معافی نہ مانگی تو قانونی چارہ جوئی کا حق رکھتے ہیں۔