بھارت میں لوک سبھا کی انتخابی مہم کے دوران بہت سے امیدواروں نے اپنی کامیابی یقینی بنانے کے لیے طرح طرح کے تجربے کیے اور طریقے آزمائے۔

مہاراشٹر کے شہر شعلہ پور میں ’مہا وِکاس اگھاڑی‘ کے بینر تلے الیکشن لڑنے والے پرنیتی شِندے نے شاہ رخ خان کے ہم شکل ابراہیم قادری اور معروف سماجی کارکن فردوس پٹیل کا سہارا لیا۔ ابراہیم قادری اور فردوس پٹیل کے ساتھ مل کر پرنیتی شِندے نے شعلہ پور میں شاندار روڈ شو کیا۔ لوگوں نے اس روڈ شو کو خوب انجوائے کیا۔

ابراہیم قادری بالی وُڈ سپر اسٹار شاہ رخ خان سے غیر معمولی شباہت کی بدولت مقامی باشندوں میں بہت مقبول ہیں۔ انہوں نے شِندے کی انتخابی مہم چلانے میں کلیدی کردار ادا کیا ہے۔