مشرقِ وسطیٰ کی تیزی سے بگڑتی ہوئی صورتِ حال کے باعث عالمی منڈی میں خام تیل کی قیمتوں میں اضافے کا سلسلہ جاری ہے۔ جمعہ کو تھوڑی سی کمی کے بعد قیمتیں پھر بڑھ گئیں۔

عالمی منڈی میں خام تیل 3 ڈالر فی بیرل تک مہنگا ہوگیا۔ لندن برینٹ کروڈ کی قیمت 87 ڈالر 25 سینٹ فی بیرل تک پہنچ گئی۔ امریکی خام تیل کے سودے 82 ڈالر 96 سینٹ فی بیرل تک پہنچ گئے ہیں۔

مغربی نیوز ایجنسی کے مطابق ایران پر اسرائیلی حملے کے بعد مشرقِ وسطیٰ کی صورتِ حال مزید کشیدہ ہوگئی ہے جس کے نتیجے میں عالمی منڈی میں خام تیل کی قیمتیں بڑھ رہی ہیں۔ دنیا بھر کی اسٹاک مارکیٹس میں بھی محتاط لین دین ہو رہا ہے۔