اڈیالہ جیل راولپنڈی میں بانی پی ٹی آئی عمران خان اور شاہ محمود قریشی کے خلاف مقدمات کی سماعت کیلئے قائم کمرہ عدالت کا نقشہ تبدیل کر دیا گیا۔

کمرہ عدالت میں تین شیشے لگا دئے گئے اور لکڑی کی دیواروں کی اونچائی 9 فٹ کر دی گئی۔

اس کے علاوہ میڈیا باکس میں کوریج کے لئے نئے ایس او پیز کا حکم نامہ بھی چسپاں کر دیا گیا۔

مذکورہ ایس او پیز کے مطابق میڈیا بانی پی ٹی آئی اور وکلا سے کمرہ عدالت میں سوال نہیں کر سکے گا، اور سوال کرنے والے میڈیا نمائندگان کو کمرہ عدالت سے باہر نکال دیا جائے گا۔

سوال کرنے والے میڈیا نمائندگان پر دوبارہ جیل داخلے پر پابندی بھی ہو گی۔

میڈیا باکس میں کیمرہ بھی نصب کر دیا گیا ہے۔