سابق چیئرمین پاکستان تحریک انصاف پارلیمنٹیرینز پرویز خٹک نے ایک بار پھر سیاست کے میدان میں انٹری دینے کا فیصلہ کر لیا ، خاندانی ذرائع کے مطابق پرویز خٹک کی پیپلز پارٹی اور دیگر جماعتوں کے ساتھ بات چیت چل رہی ہے۔

خاندانی ذرائع کا کہنا ہے کہ پرویز خٹک کی پیپلز پارٹی کے اہم رہنماؤں کے ساتھ باقاعدہ کئی بار ملاقاتیں بھی ہوئی ہیں۔

سیاست میں واپسی کے حوالے سے پرویز خٹک کا کہنا ہے کہ اسی سال حالات کو دیکھتے ہوئے سیاست کے میدان میں آنے کا فیصلہ کرسکتا ہوں حالات کو دیکھ کر آگے کا لائحہ عمل طے کرونگا، اس وقت موجودہ حکومتوں کو خاموشی سے دیکھ رہا ہے۔

پرویز خٹک نے مزید کہا کہ 10 ارب روپے کے ترقیاتی منصوبے نوشہرہ کے لیے منظور کئے تھے جو واپس ہو گئے ہے نوشہرہ کے عوام کو اب محرومی کا احساس ہو جائے گا، نوشہرہ کتنی ترقی کرتا ہے اب پتہ چلے گا۔