خیبرپختونخوا میں مخصوص نشستوں پر اپوزیشن جماعتیں آمنے سامنے آگئی ہیں۔ پاکستان مسلم لیگ (ن) نے جمعیت علمائے اسلام (جے یو آئی) کی مخصوص اقلیتی نشست کے خلاف عدالت سے رجوع کرلیا۔

مسلم لیگ ن لیگ نے جے یو آئی کی مخصوص اقلیتی نشست کو پشاور ہائیکورٹ میں چیلنج کیا۔

درخواست میں مؤقف اپنایا گیا کہ جے یو آئی اور ن لیگ کے 7، 7 ممبران ہیں، اس لئے مخصوص نشست پر ٹاس ہونا چاہیے۔

ن لیگ نے درخواست میں کہا کہ الیکشن کمیشن نے ٹاس کے بغیر نشست جے یو آئی کو دیدی۔

عدالت سے استدعا کی گئی کہ الیکشن کمیشن کا فیصلہ بدنیتی پر مبنی ہے، اسے کالعدم قرار دیا جائے۔