سعودی عرب نے خبردار کیا ہے کہ عمرہ ویزا پر آنے والے ملازمت تلاش کرنے کی کوشش نہ کریں۔ گلف نیوز کے مطابق سعودی حکام نے عمرہ ویزا پر آنے والوں سے کہا ہے کہ وہ اپنے ویزے کی میعاد ختم ہونے سے پہلے ہی اپنے ملک واپس چلے جایا کریں۔

ایک بیان میں سعودی وزارتِ حج نے کہا کہ جو لوگ عمرہ ویزا پر آئیں وہ معاشی سرگرمیوں میں حصہ لینے کی کوشش نہ کریں۔

ایک ایکس پوسٹ میں وزارتِ حج نے کہا کہ عمرے کے ویزے پر آنے والوں کو عمرے کے علاوہ مقدس مقامات کی زیارت تک اپنی سرگرمیاں محدود رکھنی چاہئیں۔