محکمہ موسمیات کا کہنا ہے کہ کراچی میں 18 اور 19 اپریل کو بھی گرج چمک کے ساتھ بارش کا امکان ہے۔

محکمہ موسمیات کے مطابق جنوب مغرب میں بارش برسانے والا سسٹم مشرق کی جانب بڑھ رہا ہے، کراچی میں ایک اور مغربی سسٹم 17 اپریل کو انٹری دے گا۔

خیال رہے کہ شہر بھر میں اتوار کو وقفے وقفے سے ہلکی اور تیز بارش کا سلسلہ جاری رہا۔

شہر میں سب سے زیادہ بارش سرجانی میں 29 ملی میٹر بارش ریکارڈ ہوئی، جبکہ زیادہ تر علاقوں میں پہلی بوند گرتے ہی بجلی بند ہوگئی جو کئی گھنٹوں بعد بحال ہوئی۔