وزیراعلیٰ سندھ سید مراد علی شاہ نے امن و امان کی خراب صورتِ حال کی ذمہ داری نگران حکومت پر ڈال دی۔

کراچی میں میڈیا سے گفتگو کرتے ہوئے مراد علی شاہ نے کہا کہ سندھ میں نگران حکومت کے دور میں امن و امان کی صورتِ حال خراب ہوئی، نگران حکومت نے سندھ کے ایس پی اور تھانیدار ایسے تبدیل کیے جیسے وہ سب میرے رشتے دار ہوں۔

کراچی میں پولیس اور رینجزر کی مشترکہ کارروائی، بچوں کا اغواکار رنگے ہاتھوں گرفتار

وزیر اعلیٰ سندھ نے کہا کہ تھانے کے عملے، ہیڈ منشی سب کہیں سے اٹھا کر کہیں پھینک دیے، اسی لیے امن و امان کے مسئلے نے جنم لیا، اس سب کو ٹھیک کر رہے ہیں جس میں وقت لگے گا۔

علی پور میں سفاک شخص نے بیوی اور 7 بچوں کی جان لے لی

انہوں نے کہا کہ کراچی میں اسٹریٹ کرائم ہے لیکن پولیس کام کر رہی ہے، کچے میں پولیس اور رینجرز دونوں لگے ہیں، جلد حالات پر قابو پالیں گے۔