فیصل آباد کے علاقے غفور ٹاؤن میں گروہ کا نوجوان پر تشدد کی ویڈیو سوشل میڈیا پروائرل ہو گئی ہے، جہاں نوجوان پر سرعام تشدد کیا جا رہا ہے۔

آوارہ نوجوانوں کا ایک گروہ نوجان پر شدید تھپڑوں، اور جوتوں کی بارش کرتا اور اس نوجوان کی تذلیل کرتا دکھائی دے رہا ہے۔

جس کی ویڈیو منظر عام پر آنے کے بعد سوشل میڈیا پر بھی سب کی توجہ بن گئی ہے۔

تشدد کا شکار ہونے والے نوجوان کی شناخت محمد زین کے نام سے ہوئی ہے، جس پر آوارہ نوجوانوں نے حملہ کیا۔

پولیس کے مطابق تھانہ نشاط آباد کے علاقے محلہ غفور ٹاؤن کے رہائشی محمد زین کاچار ماہ قبل فارمیسی کی دکان پر معمولی جھگڑا ہوا تھا جس کی بنا پر ملزمان نے تھپڑوں اور گھونسوں سے تشدد کا نشانہ بنایا اور جوتے برسا کر واقعے کی فوٹیج بنا کر سوشل میڈیا پر وائرل کردی۔

دوسری جانب فیصل آباد پولیس کی جانب سے 15 افراد کے خلاف مقدمہ درج کیا ہے، جبکہ مقدمے میں 2 افراد ارسلان اور ہارون جٹ کو اور دیگر 15 نامعلوم افراد کو نامزد کیا گیا ہے۔

پولیس کی جانب سے ملزمان کی تلاش بھی جاری ہے۔