پاکستان ریلوے کی آمدن تاریخ کی بلند ترین سطح پر پہنچ گئی۔ ریلوے حکام کے مطابق ادارے نے نو ماہ میں 66 ارب روپے کما لیے۔

ریلوے حکام کا کہنا ہے کہ مالی سال کے اختتام پر آمدنی 80 ارب سے زائد ہونے کے امکانات ہیں۔ محکمے کے پاس دس روز کا ڈیزل اسٹاک بھی موجود ہے۔

حکام کا کہنا ہے کہ عید پر بلا تعطل ٹرین آپریشن کیلئے پندرہ لاکھ لیٹر ڈیزل خریدا گیا.

سی ای او عامر بلوچ کا کہنا ہے کہ اسپیشل ٹرینوں کی سو فیصد بکنگ مکمل ہے، ریلوے پر اعتماد پر مسافروں کا شکریہ ادا کرتے ہیں۔

انھوں نے کہا کہ ریلوے انتظامیہ نے عید کی اسپیشل ٹرینوں میں اضافی کوچز لگانے کا فیصلہ کیا ہے، فیصلہ مسافروں کی ڈیمانڈ کے پیشِ نظر کیا گیا۔

ان کا کہنا تھا کہ محکمہ ریلوے نے 10 اپریل کو واجب الادا تنخواہ بھی پانچ روز قبل ہی بینکوں میں بھجوا دی تھی، اس سے قبل تنخواہیں تین تین ہفتے تاخیر کا شکار تھیں۔