قومی کرکٹ ٹیم کے سابق آل راؤنڈر اور اسٹار کھلاڑی شاہد آفریدی نے کہا ہے کہ شاہین آفریدی کو ہمیشہ کپتانی سے دور رکھنے کی کوشش کی، تاکہ وہ کرکٹ پر فوکس کر سکے۔

سوشل میڈیا پروگرام میں بات چیت کرتے ہوئے شاہد آفریدی نے کہا کہ خود سمیت کئی سابق کپتانوں کا اختتام اچھا نہیں دیکھا، کپتانی کے معاملے میں شاہین آفریدی نے میری بات نہیں مانی۔

انھوں نے کہا کہ شاہین آفریدی کو اپنی کرکٹ پر توجہ مرکوز کرنی چاہیے، اسے لاہور قلندرز سے کپتانی کی پیشکش آئی تھی تو میں نے کہا تھا دور رہو۔

قومی ٹیم کی کپتانی کے حوالے سے بات کرتے ہوئے شاہد آفریدی نے مزید کہا کہ پاکستان کرکٹ بورڈ کو مشورہ دیا تھا کہ بابر اعظم کو ٹیسٹ کا کپتان برقرار رکھیں اور محمد رضوان کو وائٹ بال کا کپتان بنانے کا مشورہ دیا تھا۔