محکمہ موسمیات نے بتایا ہے کہ کراچی میں تین دن تک موسم گرم رہے گا۔ بدھ کو زیادہ سے زیادہ درجہ حرارت 34 سینٹی گریڈ رہنے کا امکان ہے۔

جمعرات اور جمعہ کو زیادہ سے زیادہ درجہ حرارت 35 سینٹی گریڈ تک رہنے کی پیش گوئی کی گئی ہے۔

شہرِ قائد کے بہت سے علاقوں میں تین بار ڈھائی سے تین گھنٹے کی بجلی کی لوڈ شیڈنگ نے شہریوں کی مشکلات بڑھادی ہیں۔

محکمہ موسمیات کے مطابق صبح کے اوقات میں فضا میں نمی کا تناسب 80 فیصد، شام 40 سے 50 فیصد رہنے کا امکان ہے۔

اگلے تین دن سندھ کے بیشتر اندرونی علاقوں میں بھی موسم گرم اور خشک رہے گا۔ بعض علاقوں میں شدید گرمی کے باعث روزہ داروں کو مشکلات کا سامنا کرنا پڑا ہے۔ بجلی کی غیر اعلانیہ لوڈ شیڈنگ نے اُن کی مشکلات میں اضافہ کردیا ہے۔