عیدالفطر سے قبل عوام کو مہنگائی عیدی میں دیتے ہوئے پیٹرول کی قیمت میں ہوشرُبا اضافہ کردیا۔

حکومت کی جانب سے آئندہ 15 روز کیلئے پیٹرول کی فی لیٹر قیمت میں 9 روپے 66 پیسے اضافہ کردیا گیا، اور پیٹرول کی فی لیٹر نئی قیمت 289 روپے 41 پیسے مقرر کردی گئی جو کہ پہلے 279 روپے 75 پیسے تھی۔

فنانس ڈویژن کی جانب سے جاری نوٹفکیشن کے مطابق ڈیزل کی فی لیٹر قیمت میں آئندہ 15 روز کیلئے 3 روپے 22 پیسے کی کمی کی گئی اور نئی قیمت 282 روپے 24 پیسے فی لیٹر مقرر کردی گئی جو کہ پہلے 285 روپے 56 پیسے تھی۔

وزارت خزانہ کے مطابق نئی قیمتوں کا اطلاق اتوار کی رات 12 بجے سے آئندہ 15 روز کیلئے ہو گیا ہے۔

اس سے پہلے یہ خدشہ بھی ظاہر کیا جا رہا تھا کہ حکومت نے اگر ائی ایم ایف کے مطالبے پر پیٹرول پر 18 فیصد جی ایس ٹی لگا دیا تو پیٹرول کی قیمت میں 50 روپے تک کا اضافہ ہو سکتا ہے۔