عام طور پر بندر چڑیا گھر یا پھر جنگل میں ہی میں دیکھے جاتے ہیں، تاہم تھائی لینڈ کے شہر میں بندروں کی فوج نے حملہ کیا ہے، جس سے شہریوں کو شدید مشکلات کا سامنا کرنا پڑا ہے۔

تھائی لینڈ کے ٹورسٹ ٹاؤن لوپبوری میں بندروں کی بڑی تعداد کی جانب سے حملہ کیا گیا ہے، شہر میں ٹریفک کی صورتحال بھی شدید متاثر ہوئی ہے۔

غیر ملکی میڈیا کے مطابق لوبپوری شہر میں بندروں کی جانب سے شدید جارحیت کا مظاہرہ کیا جا رہا ہے، شہریوں کی جانب سے دکانوں میں بندروں کی جانب سے لوٹ مار کی شکایت بھی درج کرائی جا رہی ہیں۔

جبکہ سیاح بھی خوف کا شکار ہو گئے ہیں، دوسری جانب شہریوں کی پراپرٹی کو بھی بندر نقصان پہنچا رہے ہیں، جبکہ اب تک شہر میں کئی افراد کے زخمی ہونے کی بھی اطلاعات سامنے آئی ہیں۔

غیر ملکی میڈیا رپورٹ کے مطابق لوپبوری شہر میں تقریبا 10 ہزار سے زائد بندر موجود ہیں، جبکہ نیچرل ریسورسز وائلڈ لائف ڈیپارٹمنٹ کی جانب سے شہر میں پنجرے نصب کیے ہیں تاکہ ان بندروں کو پکڑا جا سکے، اس سے قبل بندروں کو پکڑنے کے لیے ہنٹرز کے ذریعے پکڑنے کا طریقہ کار اپنایا گیا تھا۔

دوسری جانب پولیس بھی بندروں سے نمٹنے کے لیے تیار دکھائی دیتی ہے، پولیس کے جوانوں کو اسلحہ سے لیس کیا گیا ہے، جبکہ چہرے پر بھی ماسک لگانے کی ہدایت کی گئی ہے تاکہ چہرے کو نقصان سے بچایا جا سکے۔

پولیس کے ترجمان میجر جنرل اپیراک ویکھ کنچانا کہتے ہیں کہ اسپیشل یونٹ تیار کیا گیا ہے، جو کہ ان جارحانہ بندروں کو قابو میں کرے گا۔

ان کا مزید کہنا تھا کہ مقامی افراد اور سیاح کو اس خطرے سے آگاہ کر دیا ہے، جبکہ خطرے کے پیش نظر سلنگ شاٹس کے استعمال کی اجازت دی گئی ہے۔

اکثر صورتحال میں بجائے بندروں کو مارا جائے، سلنگ شاٹس کافی ہوتے ہیں۔

دوسری جانب وزارت ماحولیات کی جانب سے بھی بندروں کے خلاف کریک ڈاؤن شروع کیا گیا ہے، جبکہ شہریوں کے نقصان کو پورا کرنے کی بھی رضامندی ظاہر کی گئی ہے۔