پنجاب بار کونسل نے اسلام آباد ہائی کورٹ کے چھ ججز کے خط پر بننے والے تحقیقاتی کمیشن کی حمایت کر دی ہے جبکہ لاہور بار کونسل نے اسے مسترد کردیا ہے ۔

پنجاب بار کونسل نے جسٹس تصدق جیلانی کی بطور سربراہ نامزدگی کو خوش آئند قرار دیا۔

جسٹس (ر) تصدق جیلانی مس فٹ ہیں، تعیناتی چیلنج کریں گے، شیر افضل مروت

بار کونسل کی جانب سے جاری اعلامیے میں کہا گیا کہ جسٹس تصدق دیانتدار جج کے طور پر جانے جاتے ہیں، امید ہے تصدق جیلانی معاملے کی انکوائری غیر جانبداری سے کریں گے۔

پنجاب بار کونسل کا کہنا تھا کہ تصدق جیلانی کی تجویز سے عدلیہ کی آزادی اور وقار میں اضافہ ہوگا۔

دوسری جانب لاہور ہائیکورٹ بار نے انکوئری کمیشن کے فیصلے کو مسترد کرتے ہوئے مطالبہ کیا ہے کہ سپریم کورٹ کا بینچ کیس کی سماعت کرے، ہائی کورٹ کے 6 ججزا نتہائی قابل اور ایماندار ہیں، غیر آئینی حکومت کے نمائندوں کے علاوہ وطن عزیز کا ہر شہری اسٹبلشمنٹ کے غیرقانونی اقدامات سے پریشان ہے۔