وزیراعظم شہبازشریف نے ہائیکورٹ کے ججز کے خط پر غور اور انکوائری کمیشن کی تشکیل کیلئے وفاقی کابینہ اجلاس ہفتے کو طلب کرلیا گیا۔

وفاقی کابینہ کا اجلاس آج جمعہ کو بھی ہوگا تاہم اس میں ججز کا معاملہ زیرغور نہیں آئے گا بلکہ اسمگلنگ، ناقص اشیاء کی پیداوار، جعلی مصنوعات کی روک تھام سے متعلق اقدامات کا فیصلہ ہوگا۔

اجلاس میں تمام وزرائے اعلیٰ سمیت ایف بی آر، کسٹمز اور بارڈر مینجمنٹ حکام شرکت کریں گے۔

ججز کا خط

ججز کے خط کے معاملے پر وفاقی کابینہ کا اجلاس جمعہ کو ہونا تھا تاہم اب یہ مسئلہ ہفتے کی دوپہر تک ملتوی کردیا گیا ہے۔

وزیراعظم شہباز شریف ہفتہ کی دوپر وفاقی کابینہ کے اجلاس کی صدارت کریں گے جس میں اسلام آباد ہائیکورٹ کے ججز کے خط کا معاملہ زیرغور آئے گا۔

اسی اجلاس میں انکوائری کمیشن کی تشکیل کی منظوری بھی لیے جانے کا امکان ہے۔