ماحولیات میں آنے والی تبدیلیوں کی وجہ سے چہرے کی چمک اور رنگت بھی بہت حد تک اثر انداز ہوتی ہے لیکن تھکی ہوئی خشک اور بے رونق جلد کا علاج آپ کے کچن میں موجود ہے۔

آج ٹی وی کی افطار ٹرانسمیشن باران رحمت میں میزبان مایا خان سے گفتگو کرتے ہوئے ڈاکٹر اُمہ راحیل نے بتایا کہ چہرے کی چمک کیلئے ہسپانوی طریقہ بھی استعمال کرسکتے ہیں جو انتہائی آسان ہے ۔

ڈاکٹر اُمہ راحیل نے بتایا کہ ایک چمچ فریش دودھ لیں جو نیم گرم ہو اس میں ایک چوتھائی چمچ چینی اور آدھا چمچ نمک کو مکس کرلیں اور چہرے کو صاف پانی سے دھونے کے بعد روئی کی مدد سے تیار کئے گئے اجزا کو چہرے پر لگاکر تھوڑی دیر سوکھنے دیں۔

ان کا کہنا تھا کہ دو سے تین دن یہ ٹوٹکا آزمائیں 3 دن کے بعد ہی آپ کو فرق محسوس ہونا شروع ہوجائے گا ۔

مزید یہ کہ جن لوگوں کی اسکن پر بہت زیادہ آئل آتا ہو وہ 2 چمچ بیسن میں دو چمچ دودھ ملا کر فیس ماسک تیار کرسکتے ہیں جس سے چہرے کے پورز بہت بہتر ہوجائیں گے ۔