اسلام آباد کی مقامی عدالت نے ضمانت کی درخواستوں میں بانی پی ٹی آئی عمران خان اور ان کی اہلیہ بشریٰ بی بی کے پروڈکشن آرڈر جاری کرتے ہوئے پیش کرنے کا حکم دے دیا۔

ڈسٹرکٹ اینڈ سیشن کورٹس اسلام آباد نے عدالت پیشی کے معاملے پر بانی پی ٹی آئی اور بشریٰ بی بی کے پروڈکشن آرڈرجاری کیے۔

عدالت نے حکم دیا کہ عمران خان کو 4 اپریل کو عدالت پیش کیا جائے۔

معاملے کی سماعت ایڈیشنل ڈسٹرکٹ اینڈ سیشن جج طاہر عباس سپرا نے کی۔ بانی پی ٹی آئی کے وکیل خالد یوسف چوہدری عدالت میں پیش ہوئے۔

وکلاکی جانب سے عدالت پیشی کے حوالے سے درخواست دائر کی گئی تھی۔

گزشتہ سماعت پر عدالت نےوڈیو لنک کے ذریعے حاضری کا حکم دیا تھا تاہم آج بھی بانی پی ٹی آئی کی وڈیو لنک حاضری نہیں لگوائی گئی۔

وڈیو لنک کےذریعےحاضری نہ لگوانے پر عدالت کی جانب سےنوٹس جاری کردیا گیا۔