یومِ پاکستان کے پُرمسرت موقع پر سعودی عرب کے وزیر دفاع کو نشانِ پاکستان کے اعزاز سے نوازا گیا ہے۔

شہزادہ خالد بن سلمان بن عبدالعزیز آل سعود کو ایوانِ صدر میں صدر پاکستان آصف علی زرداری نے نشانِ پاکستان کا اعزاز دیا۔

اس حوالے سے منعقدہ تقریب میں وزیر اعظم محمد شہباز شریف، وزیرِ دفاع خواجہ آصف اور آرمی چیف جنرل عاصم منیر سمیت تمام مسلح افواج کے سربراہوں نے بھی شرکت کی۔

سعودی وزیر دفاعی شہزاد خالد بن سلمان بن عبدالعزیز آل سعود نے دو طرفہ تعلقات مستحکم کرنے میں گراں قدر کردار ادا کیا ہے۔

صدر مملکت نے سندھ کے سابق وزیر اعلیٰ سید قائم علی شاہ، راجہ محمد ظفرالحق اور ڈاکٹر شمشاد اختر کو نشانہ امتیاز سے نوازا۔

ڈاکٹر محمد امجد ثاقب، ،مفتی عبدالشکور مرحوم، فواد حسن فواد، راجہ نعیم اکبر اور دیگر کو بھی اعزازات سے نوازا گیا۔

دوسری جانب وزیر اعظم شہبازشریف سےسعودی عرب کے وزیردفاع نے ملاقات کی، ملاقات میں دو طرفہ امور پر تفصیلی بات چیت ہوئی

ملاقات میں علاقائی امن و سلامتی اورخطے کی سیکیورٹی صورت حال پر تبادلہ خیال بھی کیا، ونوں ممالک میں سیکیورٹی شعبےمیں تعاون بڑھانےپربات چیت ہوئی۔

وزیراعظم شہباز شریف نے کہا کہ ہم سعودی ولی عہد کےدورہ پاکستان کےمنتظر ہیں، ملاقات میں خواجہ آصف اورآرمی چیف جنرل عاصم منیربھی موجود تھے۔