پشاور ہائیکورٹ نے زین قریشی کی 13 مقدمات میں راہداری ضمانت منظور کرلی۔ پی ٹی آئی رہنماء اور ایم این اے زین قریشی کی راہداری ضمانت کے لیے درخواست پر پشاور ہائیکورٹ کے چیف جسٹس ابراہیم خان نے سماعت کی۔

زین قریشی چیف جسٹس کی عدالت میں پیش ہوئے۔ زین قریشی کے وکیل نے عدالت کو بتایا کہ زین قریشی کے خلاف 13 مختلف مقدمات ہیں اور اب وہ عدالت میں پیش ہونا چاہتے ہیں لیکن گرفتاری کا خدشہ ہے۔

وکیل نے عدالت سے راہداری ضمانت کی اجازت مانگی جس پر عدالت نے 13 مقدمات میں راہداری ضمانت منظور کرکے زین قریشی کو متعلقہ عدالتوں میں پیش ہونے کا حکم دیدیا۔