بھارت کے الیکشن کمیشن نے مودی سرکار کو ترقی کے راگ الاپنے اور بلند بانگ دعوے کرنے سے روک دیا ہے۔ اس سلسلے میں الیکٹرانکس اور انفارمیشن ٹیکنالوجی کی وزارت کو خصوصی ہدایات جاری کرکےعملدرآمد رپورٹ بھی طلب کرلی گئی ہے۔

الیکٹرانکس اور انفارمیشن ٹیکنالوجی کی وزارت نے الیکشن کمیشن کو بتایا ہے کہ سسٹم کی پیچیدگی کے باعث اس ہدایت پر مرحلہ وار عمل کیا جاسکے گا۔

کمیشن نے خصوصی حکم نامے کے تحت حکومت سے کہا ہے کہ واٹس ایپ میسیجنگ اور فیس بک پوسٹ کے ذریعے ملک کی غیر معمولی ترقی اور خوش حالی کے دعوے نہ کیے جائیں۔

سیاسی جماعتوں کے علاوہ متعدد تنظیموں نے الیکشن کمیشن سے رابطہ کرکے مودی سرکار کی طرف سے ترقی و خوشی کے غلط اور بے بنیاد دعووں کی شکایات کی تھی۔