وزیراعظم شہبازشریف نے پاکستان سپر لیگ سیزن نائن کا ٹائٹل جیتنے پر اسلام آباد یونائیٹڈ کو مبارکباد پیش کی ہے۔

مبارکباد دیتے ہوئے شہباز شریف نے کہا یہ کسی ایک ٹیم کی نہیں پاکستان کی جیت ہے۔

انھوں نے کہا کہ فائنل میں دونوں ٹیموں نے شاندار کھیل کا مظاہرہ کیا، کرکٹ کا کھیل پوری قوم کو متحد کرتا ہے۔

اس کے علاوہ چیئرمین پی سی بی نے پی ایس ایل کے کامیاب انعقاد پر قوم کو مبارکباد پیش کی۔

محسن نقوی نے کہا اسلام آباد یونائیٹڈ کے کھلاڑیوں نے شاندار کھیل کا مظاہرہ کرکے فائنل جیتا، ملتان سلطانز نے بھی بہترین کھیل پیش کیا۔