کراچی کے علاقے کیماڑی میں کچرا کنڈی سے آنسو گیس کے پراسرار شیل ملے ہیں، جن کے سبب متعدد افراد بے ہوش ہوئے لیکن پولیس کا کہنا ہے کہ ایسی شیل پولیس کو جاری نہیں ہوتے۔

اطلاعات کے مطابق کیماڑی میں نامعلوم شرپسند آنسو گیس کے درجنوں شیل خالی پلاٹ میں پھینک کرفرار ہوگئے۔ کچراکنڈی میں آگ لگنے سے شیل سے گیس پھیل گئی جس سے متعدد افراد بےہوش ہوئے۔

ایس ایس پی کیماڑی نے کہا کہ تمام شیل جیکسن تھانے منتقل کردیئے گئے ہیں، جو شیل ملے ہیں وہ پولیس کو جاری نہیں ہوتے،اس طرح کے شیل پولیس کے استعمال میں نہیں۔

انہوں نے کہا کہ لگتاہے کچرا کنڈی کے پاس شیل کافی پرانےپڑے تھے، کسی نےکچرا کنڈی میں آگ لگائی توکچھ شیل جل گئے۔

ملنے والے شیل کی تعداد چالیس سےزائد ہے۔