تحریک انصاف نے سینیٹ الیکشن کیلئے امیدواروں میں تبدیلی کردی ہے۔

پی ٹی آئی نے سینیٹ میں خواتین کی نشست پر صنم جاوید کو الیکشن لڑوانے کا فیصلہ کر لیا۔

ڈاکٹر یاسمین راشد ٹیکنو کریٹ نشست پر تحریک انصاف کی امیدوار ہوں گی۔

اسلم اقبال کا کہنا ہے کہ جنرل نشستوں پر حامد خان اور زلفی بخاری امیدوار ہوں گے۔

انھوں نے مزید بتایا کہ جنرل نشستوں پرعمر سرفراز اور اعجاز منہاس کو نامزد کیا ہے۔

صنم جاوید کے والد کا عدالت سے رجوع

صنم جاوید کے والد نے سینیٹ الیکشن کیلئے کاغذات پر دستخط کروانے کے لیے انسداد دہشتگری عدالت لاہور سے رجوع کرلیا ہے۔

والد نے استدعا کی ہے کہ صنم جاوید کو کاغذات نامزدگی پر دستخط کے لیے جیل سے طلب کیا جائے۔

صنم جاوید کے والد نے جج ارشد جاوید کو ہفتے کے روز ہی درخواست پر سماعت کرنے کی استدعا کی۔