قومی اور صوبائی اسمبلیوں کے ضمنی انتخابات کے لیے پاکستان پیپلزپارٹی نے درخواستیں طلب کرلیں۔

پیپلز پارٹی کے رہنما نیئر حسین بخاری نے کہا کہ قومی اور صوبائی اسمبلیوں کے ضمنی انتخابات میں پارٹی ٹکٹ کے خواہشمند 16 مارچ تک درخواستیں ارسال کریں۔

رہنما پیپلز پارٹی نے مزید کہا کہ درخواست گزار قومی اسمبلی کے لیے 40 ہزار اور صوبائی اسمبلی کے 30 ہزار روپے کا بینک ڈرافٹ منسلک کریں، درخواستیں صدر پاکستان پیپلزپارٹی پارلیمنٹیرینز کے نام ہوں گی۔

سید نیر حیسن نے ہدایت کی کہ بینک ڈرافٹ بنام پاکستان پیپلزپارٹی پارلیمنٹیرینز ہوگا، درخواستیں بلاول ہاؤس کراچی یا ہاؤس میں ایک سٹریٹ 85 ایمبیسی روڈ اسلام آباد کے پتے پر ارسال کی جائیں۔