دنیا کے طویل قامت شخص نصیر سومرو کی طبیعت اچانک خراب ہوگئی ہے۔ انہیں گلستان جوہر کے نجی اسپتال میں داخل کیا گیا ہے۔

بتایا گیا ہے کہ نصیر سومرو کئی سال سے سانس لینے میں دشواری اور جوڑوں کے درد کے عارضے میں مبتلا ہیں۔

مالی مشکلات کے باعث نصیر سومرو اپنا باضابطہ علاج کرانے سے قاصر ہیں۔ اہلِ خانہ نے بتایا ہے کہ متعدد اپیلوں کے باوجود ان کے علاج پر خاطر خواہ توجہ نہیں دی جارہی۔

نصیر سومرو نے اپنی طویل قامت کی بدولت دنیا بھر میں پاکستان کا نام روشن کیا ہے۔

پاکستان کے اس طویل قامت سپوت کے بھانجے نے حکومت سے اپیل کی ہے کہ ان کے ماموں کے مکمل علاج کے انتظامات کیے جائیں۔

ںصیر سومرو کے بھانے کی اپیل پر صوبائی وزیر ثقافت و سیاحت نوادرات اور آرکائیوز سندھ سید ذوالفقار علی شاہ کی نجی ہسپتال پہنچے۔

صوبائی وزیر سید ذوالفقار علی شاہ نے طویل قدامت شخص نصیر سومرو کی عیادت کی اور گُلدستہ دیا۔

صوبائی وزیر سید ذوالفقار علی شاہ نے نصیر سومرو کی صحت سے متعلق تفصیلات لی۔ صوبائی وزیر نے طویل قدامت کے مالک نصیر سومرو کو دو لاکھ روپے کا چیک بھی دیا۔