اداکارہ بشری انصاری کا کہنا ہے کہ آج کے دور میں لوگوں کو ہنسنے مسکرانے کی ضرورت ہے بس سوچنے کا انداز مختلف ہونے کی ضرورت ہے ۔

آج ٹی وی کی افطار ٹرانسمیشن میں میزبان مایا خان سے گفتگو کرتے ہوئے پاکستان کی سنیئر اداکارہ بشری انصاری کا کہنا تھا کہ اپنی زندگی میں مثبت سوچ پیدا کریں پریشانیاں سب کے ساتھ ہوتی ہیں لیکن مثبت اور مضبوط رہیں گے تو سب ٹھیک ہوجائے گا۔

اداکارہ نے کہا کہ اپنے ملازموں کی وفاداری کیلئے ان کی عزت کریں کیونکہ ان کے کام کا تو آپ معاوضہ دے سکتے ہیں لیکن ان کی وفاداری کے بدلے میں آپ انہیں جتنی عزت وہ کم ہے انہیں طنز اور طعنے نہ دیں ۔

خواتین کی حوصلہ افذائی کرتے ہوئے کا ان کا کہنا تھا کہ گھروں میں موجود رہنے والی خواتین اپنے آپ کو مصروف رکھیں سلائی کرنا کڑاہی کرنا یا کھانے بنانابھی آرٹ ہے اور یہ چیزیں اپنے آپ کو خوش اور زندہ رکھنے کیلئے کریں اور کبھی مایوس نہ ہوں ۔

ان کا کہنا تھا کہ انسان کے پاس جو ہو اسے اس کا شکر ادا کرچاہیے آپ لوگوں کی جانب سے ملنے والی مسکراہٹ بدلہ نہیں چکا سکتے ۔

اداکارہ کا مزید کہنا تھا کہ کچھ لوگوں کے پاس سب کچھ ہونے کے باوجود وہ شکر نہیں کرتے جبکہ کچھ ایسے بھی ہیں جو ایک کمرے میں رہتے ہیں لیکن ان کے پاس جو ہے وہ اسے اچھا سمجھ کر شکر ادا کرتے ہیں اس کا یہ مطلب نہیں ان کے ساتھ پریشانیاں نہیں لیکن ان کا ذہن اور سوچ اچھی ہے ۔

اپنے مشہور کردار مسز چوہدری کے حوالے سے انہوں نے بتایا کہ صائمہ چوہدری کے کردار کو ختم ہوئے 12 سال ہوگئے لیکن دنیا بھر میں لوگ کہیں بھی مل جائیں تو اس کا ذکر کرتے ہیں اس لیے میں نے اپنے یوٹیوب چینل پر اس کردار تیار کیا ہے مسز چوہدری ان ایکشن کا اسکرپٹ بھی خود لکھا ہے ۔